BIBLIOSIGÜEIRO

Presentación Aula Música do Concello de Oroso

2012-01-27T00:59:00.003+01:00

O venres 25 de xaneiro ás 19:00 horas no centro cultural Fernando de Casas e Novoa terá lugar a presentación da aula de música do Concello de Oroso.

Información facilitada por Lucía Vilariño.

Programa de Animación á lectura da Biblioteca Municipal

2012-01-24T00:23:00.006+01:00

Open publication - Free publishing - More book

Información facilitada por Beatriz Durán, bibliotecaria da BPM de Sigüeiro.

Cantando á PAZ

2012-01-23T21:12:00.008+01:00

Amiguiños todos, amiguiños xa

os nenos de aquí e os nenos de alá.

Os nenos do mundo todos a cantar...

Viva la gente,

la hay donde quieras que vas...

A festa da Paz, preciosa canción de Damaris Gelabert.

Se tiveras a maxia dun mago ou unha maga.. que farías ?

converterías as balas en flores? fusiles en trombóns e fagots? os tanques en camións de xeados?

Fai as túas propostas!

Lendo sobre a Paz

2012-01-23T20:48:00.011+01:00

Ola rapaces e rapazas!

Xa sei que sodes todos moi "pacíficos" e "pacíficas" pero por si esquecedes o que significa a palabra paz gustaríame que pasedes pola biblioteca e leades algúns dos libriños que vos teño preparados na entrada da biblioteca.

Penso que vos gustaran moito!!!

Nica

A editorial Ekaré utilizando as ilustracións dos contos recórdanos o significado da palabra PAZ.

Libros que nos gustan

2012-01-18T23:59:00.010+01:00

Cando plantamos árbores, plantamos as

semillas da paz e da esperanza".

Estas palabras fixeron famosa a Wangari Maathai, a activista keniata que fundou en 1977 o Movimento do Cinturón Verde para promover plantar árbores en África. Wangari naceu no pobo Ihithe no interior de Kenia o 1 de abril de 1940 e estudiou Ciencias Biolóxicas en Estados Unidos onde se graduó en 1966. Regresou ao seu país ao terminar os estudos e axudou ao seu pobo elaborando un plan para que as mulleres se converteran nas guardianas da terra para evitar a súa desertización.

Foi galardoada no ano 2004 co Premio Nobel da Paz recoñecendo o seu compromiso pola sostenibilidade ambiental e reivindicar o papel da muller. Wangari Maathai deixounos o 25 de setembro de 2011 pero a súa memoria pervivirá.

Para saber máis: La madre de los árboles; Wangari y los arboles de la paz.

Wangari

View more documents from aldeatotal

Guía de Nadal 2011

2012-01-18T23:26:00.005+01:00

Ano novo...

libros para tod@s!!!

FELICES LECTURAS!!! FELIZ 2012!!!

Open publication - Free publishing - More libros

Isaac Díaz Pardo

2012-01-06T21:43:00.012+01:00

Hoxe dicímoslle adeus a un galego que foi pintor, cartelista, profesor de Debuxo, escritor, editor, empresario... pero, sobre todo, un gran loitador pola nosa Terra, a nosa Lingua, a nosa Cultura.
Oxalá sexamos merecedores da súa herdanza e continuemos o seu labor.

Maternidade (1963)

Congreso Bibliotecas Escolares en Tránsito BET

2011-11-29T23:51:00.006+01:00

Aquí vai un vídeo que mostra como van evolucionando as bibliotecas escolares galegas. Presentouse no congreso de Bibliotecas Escolares en Tránsito que se celebrou en Santiago os días 10, 11 e 12 deste mes. Ao final o traballo vese, e, o máis importante, mellora a educación dos nosos alumnos e alumnas.

Biibliotecas Escolares en Tránsito [GAL] from Bibliotecas Escolares de Galicia on Vimeo.

Preparando o MAGOSTO

2011-11-07T00:06:00.004+01:00

Giuseppe Arcimboldo foi un pintor italiano (1527-1593) coñecido sobre todo polas representacións do rostro humano a partir de flores, froitos, plantas, animais e obxectos. Que estación do ano cres que está representado no cadro?

É doado se temos en conta os acios de uvas, cabazas, cogumelos, figos, .... Representou o OUTONO.

Se queres saber máis deste autor faime unha visita na biblio que che contarei máis cousas del.

E para que non te aburras aí van dúcias e dúcias de contos sobre o outono e as castañas, os castiñeiros...

Espero que vos gusten!!!

Nica

Open publication - Free publishing - More books

Medo? Quen dixo medo?

2011-11-06T22:23:00.009+01:00

A última semana do mes de outubro foi terrible para min, nunca pasara tanto medo. Sentía calofríos ó andar polos corredores do colexio tal como estaban cheos de caveiras, pantasmas, bruxas arrepiantes, árbores tenebrosas. Chegara o SAMAÍN!!!

Sabedes de onde vén o Samaín?

Os celtas eran, como outros pobos norteños, cazadores de cabezas. Levaban as cabezas dos seus inimigos a xeito de trofeos de guerra e pendurábanas fachendosos nas murallas das súas fortalezas e nas súas casas. Crían que a cabeza era a morada do espírito, o verdadeiro ser dunha persoa.

Pendurando e venerando a cabeza dos seus inimigos pensaban que gañaban a protección dos poderes máxicos que posuían. Á parte de crer que as cabezas servían para mantérense arredados do mal, os celtas pensaban que podían seguir vivindo despois da morte do seu propietario, independientemente do seu corpo. Cando se deixaron de usar auténticas cabezas humanas nos oficios relixiosos, pasouse a construír réplicas en pedra, madeira, metal e óso. Na Idade de Ferro, colocábase unha vela dentro das cabezas todo ó redor das fortalezas nesta estación que era a máis sinistra do ano céltico.

Xa sei que lestes moito sobre o medo nos libros que levastes nas mochilas viaxeiras e nos que estaban colocados nos expositores. Moi ben

E para finalizar quérovos presentar ao meu amigo Fiz, o gran coleccionista de medos.

Hooooooo...Nica

Premios literarios

2011-11-03T10:13:00.018+01:00

Empezamos este curso con dúas novas moi importantes para o libro galego. Dous dos autores máis queridos e un ilustrador destacan moi alto a nivel internacional:

Agustín Fernández Paz recibiu o Premio Iberoamericano SM de Literatura Infantil e Xuvenil 2011 polos seus moitos e valiosos libros, escritos todos eles en galego e traducidos a maior parte a outras linguas.

Fina Casalderrey como escritora e Miguel Anxo Prado como ilustrador foron nomeados con outros candidatos ao premio Memorial Astrid Lindgren 2012 que otorga o goberno sueco en homenaxe da autora de "Pipi Calzalargas" Astrid Lindgren.

Noraboa aos tres!!!

E para todos vós: "Un bo escritor sempre é primeiro un gran lector"

Ánimo!!!

Inaguración do curso 2011-12

2011-10-20T10:24:00.003+02:00

Benvidos ao novo curso 2011-12!
Espero vervos moito pola biblioteca. Estamos abertos de 9:45 a 14:45. Tamén nos recreos e polas tardes de 16:00 a 18:00 agás os martes.
Acode cos teus amigos e amigas e a túa familia. Sempre haberá un libro para ti. Atópao. Disfrutarás mil aventuras!!!

Nica

Rodrigo Chao

2011-04-13T01:34:00.004+02:00

O xoves, 8 de abril, celebrando o mes dos libros, o ilustrador galego Rodrigo Chao estivo co alumnado de segundo ciclo con motivo da lectura do libro ilustrado por el.

Abril, mes dos libros

2011-04-07T01:17:00.001+02:00

O dous de abril celébrase o Día do Libro Infantil e Xuvenil en recordo do nacemento do gran escritor de literatura infantil, Hans Christian Andersen. Na biblioteca están expostas para todos e todas vós as súas obras. Esperámosvos!

A mar de entroido

2011-03-14T22:14:00.003+01:00

O mar inundou as rúas de Sigüeiro o venres de entroido: o fondo mariño, percebes, estrelas de mar, gaivotas, pesca e pescos enchérono todo por unhas horas.

Visita do autor Ricardo Alcátara

2011-02-22T13:40:00.011+01:00

Este xoves 24 de febreiro, visítanos o escritor Ricardo Alcántara, aproveitando que o alumnado de 2º nivel de primaria traballou tres dos seus libros:

- "Tomás y el lápiz mágico"
- "¿Quién ayuda en casa?"
- "¿Quién menea el esqueleto?"

Ao remate da actividade, contarémosvos como nos foi e ensinarémosvos algunhas fotos.

La mar de amor

2011-02-06T21:11:00.010+01:00

Xa estamos en febreiro e Nica quere obsequiarvos con poesía. Así que estes días fixo unha selección de poemas que se atopan na exposición "La mar de amor". Agora quere completala, e pídevos que todos e todas vos situedes no medio do OCÉANO e fagades de pequenos "cupidos" do mar. Animádevos. Traédelle os vosos poemas. Espera por eles! E de paso levade o voso poema, o que máis vos guste, e acompañádeo do correspondente bombón para que o disfrutedes máis.

Selección de poemas de Nica.

Open publication - Free publishing - More poesia

Exposición de libros da paz

2011-01-21T01:27:00.016+01:00

Xa está á vosa disposición a exposición de libros para o Día da Paz. Tamén se van expoñendo os traballos que nos vaiades entregando. Ánimo! Non deixedes de traer todo o que teñades a ben aportarnos. Paz e boas lecturas para todos e todas!.

Esta presentación fíxoa o alumnado de terceiro ciclo. Cada parella escolleu un premio nobel da paz e elaborou un pequeno traballo sobre el. Ao final este é o resultado.

power paz II c
View more presentations or Upload your own.

Un mar de aventuras, un mar de regalos

2010-12-19T21:36:00.009+01:00

Xa está disposta na entrada da biblioteca a exposición de libros do boletín de nadal. Ten dúas partes, unha de libros relacionados co mar, tema do proxecto deste curso, e outra de novidades e recomendacións xerais. Animádevos, botádelles unha ollada e ide pensando cales lle ides pedir a Papá Noël e aos Reis Magos.

Anxo Fariña

2010-12-01T10:32:00.006+01:00

O venres 3 de decembro vainos visitar o ilustrador, escritor e deseñador de libros galego, ANXO FARIÑA. Estamos moi contentos porque é a terceira vez que vén ao noso colexio. A primeira, estivo cos máis pequenos; a segunda, o curso pasado, estivo cos do terceiro ciclo para falar dos Megatoxos. A ver se continúa a colección! O que máis chama a atención son os debuxos; son sinxelos, dinámicos e con moita cor. E que rápido e ben os fai! -dicía o alumnado. Fixo unha megatoxa dunha compañeira nun plis-plas!

Este día vén para falar, co alumnado de terceiro ciclo, dun libro de vampiros, lobishomes, momias... moi sinxelo e que se leu moi rápido, "A Monstroescola". Foi unha das lecturas das maletas do Magosto e Samaín.

Magosto-Samaín

2010-12-01T10:30:00.011+01:00

Un ano máis, con motivo destas celebracións, o equipo da biblioteca preparou as maletas con fondos informativos e de fición relacionados con estes eventos, que viaxarán polas aulas ao longo desta quincena .

Ao mesmo tempo, o alumnado adornou o centro con cabazas e outros motivos recordando a festa celta

Ademais, o alumnado de terceiro ciclo investigou sobre os medos populares e elaborou este traballo a partir de información atopada en internet, nos libros das maletas e a recollida nas súas familias.

Open publication - Free publishing - More medos

Outubro, mes da biblioteca

2010-11-09T13:27:00.003+01:00

Estamos xa nun novo curso e con moita ilusión e moitas ganas, Nica invítavos a visitar a súa casa no mes de outubro , que é o mes da Biblioteca, para que recorrades con ela todas as estancias e vexades a cantidade de amigos que ten e que quere compartir con vós.
Pero as portas están abertas sempre para todos/a e no mes de novembro, coincidindo coa Festa do Samaín, Nica encheu unhas maletas viaxeiras para levar polas clases, que conteñen historias arrepiantes de meigas, pantasmas, vampiros, monstros... contos populares que falan das nosas festas e das nosas tradicións como O Magosto.
N0n teñades medo e disfrutade con elas !, será unha viaxe inolvidable!

Maratón de lectura

2010-06-11T18:35:00.003+02:00

Con motivo do día do libro e da semana das letras, o alumnado de terceiro ciclo co profesorado e pais/nais organizou un maratón de lectura con textos de Uxío Novoneyra, os amigos de Uxío e outros relacionados co proxecto documental integrado deste curso: "O Camiño de Santiago".

Violeta Monreal

2010-05-20T00:34:00.005+02:00

Ao longo do trimestre, o alumnado de 1º leu "Días de perros", "Días de gatos" e "No quiero un dragón en mi clase" de Violeta MONREAL. Sobre as lecturas fixeron varias actividades de expresión oral, comprensión e expresión escrita. Posteriormente, na Semana do Libro e das Letras a autora veu ao centro e falou cos nenos e coas nenas dos libros e as ilustracións e firmoulle a cada un o seu libro que engadirán á súa biblioteca persoal que esperamos sega medrando.

Nacemento do Camiño

2010-05-18T00:57:00.002+02:00

O alumnado de 5º investigou como naceu e como se foi desenvolvendo a historia do Camiño de Santiago. Agora, con motivo do Día do Libro e do Día das Letras, fixo unha pequena presentación sobre o Nacemento do Camiño para o alumnado dos outros niveis.

Versión Rap do Romance de Don Gaiferos

2010-05-18T00:02:00.003+02:00

O alumnado de 4º, entre as moitas actividades que desenvolveu dentro do Proxecto "O Camiño de Santiago", fixo unha versión rap do Romance de Don Gaiferos que lle presentou ao resto do alumnado con motivo do Día do Libro e do Día das Letras. É unha versión moi moderna na que eles viven e fanlle vivir aos demais a curiosa historia deste personaxe tan singular, que peregrinou a Compostela naqueles primeiros séculos do Camiño, e que contribuiu a agrandar a gloria do mesmo.

Alfredo Gómez Cerdá

2010-05-13T23:08:00.004+02:00

Alfredo Gómez Cerdá é un autor moi querido polos nosos lectores e lectoras e xa é a segunda vez que está no noso centro. A primeira, no 2004, por un libro que xa é un clásico entre nós "Un amigo en la selva", e agora, por outro máis recente, que estamos seguros, vai pola mesma senda "Barro de Medellín" Premio Nacional de Literatura Infantil e Xuvenil 2009. A lectura dos libros de Alfredo nunca nos deixa indiferentes.

Susana Lamela

2010-05-13T22:30:00.002+02:00

Na Quincena do Libro e das Letras Susana Lamela estivo co alumnado de 2º de Educación Primaria para compartir con eles a experiencia sobre a lectura do seu libro "Os soños de Andel". O alumnado, despois de ler o libro, realizara varios traballos que a escritora xa colgara no seu blog; logo puideron coñecela persoalmente. Fíxolles moita ilusión.

Quincena do Libro e das Letras

2010-05-13T21:56:00.004+02:00

Con motivo do Día do Libro e da Semana das Letras desenvólvense no centro un conxunto de actividades ao longo dos últimos días de abril e os primeiros de maio, moitas das cales son o colofón de tarefas que se veñen realizando ao longo do curso como as relacionadas co proxecto documental integrado "O Xacobeo", outras son lecturas que se realizaron nos útimos meses e agora cérranse coa visita da autora ou do autor e, tamén hai outras que se programan específicamente para estas datas como o maratón de lecturas coas familias.
As actividades que se realizan dentro do proxecto recóllense no blog do Camiño que se abriu para facilitar a publicación en rede dos traballos que se foron realizando dentro do proxecto; as outras publicaranse neste mesmo blog.

Encontro con Ricardo Gómez

2010-03-30T17:02:00.013+02:00

Ricardo Gómez é un escritor de Literatura Infantil e Xuvenil moi querido no noso colexio. É a segunda vez que nos visita, esta vez para estar co alumnado de segundo ciclo de EP que neste segundo trimestre leu e traballou o seu libro "Los zorros del norte". Aos rapaces e rapazas encantoulles a historia, e, sobre todo, a calidade humana da obra, que nos libros de Ricardo xa é unha constante, aínda que non por eso deixa de sorprendernos. Logo, o encontro co autor corroborou esto e moito máis, e foi un momento magnífico para todos os lectores e lectoras.

Anxo Fariña no noso colexio

2010-02-24T13:29:00.008+01:00

Hoxe estivo co alumnado de terceiro ciclo de educación primaria Anxo Fariña. Foi un encontro entrañable e moi didáctico. Os nenos e nenas estiveron lendo e traballando en grupo un libro dos Megatoxos. Gustoulles moito e seguen coa saga, agora en forma de Libro-forum, é dicir, lemos individualmente en horario extraescolar unha parte acordada entre todos e despois comentámola na clase. Está resultando moi ben. E a visita moito mellor. Anxo foi debullando paso a paso, e de maneira lúdica, o proceso para facer historias debuxadas e escritas ou escrtas e debuxadas. Foi unha lección estupenda para todos e todas. Agora seguiremos en contacto a través do seu blog.

Obradoiro de escritura creativa

2010-01-26T22:18:00.009+01:00

Esta semana 25 alumnos e alumnas de 3º ciclo de EP asistirosn a un taller de escritura creativa na biblioteca do centro impartido por Alberto da editorial Kalandraka.
Partiron da lectura deste libro:

Despois, seguindo as pautas de Alberto e a partir dos personaxes da baralla, crearon as súas propias historias.

Magosto-Samaín

2009-10-27T00:25:00.002+01:00

O venres 30 celebraremos no colexio o Magosto-Samaín. Ao longo destes 15 días circularon polas clases as maletas viaxeiras con fondos da biblioteca relacionados con estes eventos. Na hora de lectura e noutros momentos aproveitamos e lemos historias de fantasmas, meigas, bruxas... e tamén de castiñeiros, contos populares...

Anisia Miranda

2009-10-27T00:15:00.006+01:00

Este sábado deixounos unha escritora á que queremos homenaxear desde aquí tanto pola súa obra como pola importante labor que fixo a prol da lectura cos nenos e nenas da súa vila "Vila de Cruces", onde ten unha Fundación co seu marido Xosé Neira Vilas, e tamén en Cuba, onde naceu e pasou gran parte da súa vida.

50 aniversario das aventuras de Astérix

2009-10-27T00:02:00.003+01:00

O 29 de outubro cúmprese o 50 aniversario da publicación de "As aventuras de Astérix". En 1.959 Goscinny e Uderzo publicaron na revista Pilates as primeiras aventuras de Astérix e Obélix e en 1961 saiu o primeiro álbum titulado "Astérix o galo". Desde aquí e ata 1977 coa morte de Goscinny sacaron 28 títulos. A estes hai que engadirlle 5 máis publicados por Uderzo ata un total de 33. Agora co aniversario sae á luz un novo título cun guión inédito de Goscinny e debuxos de Uderzo que esperamos ter pronto na biblioteca

Semana das Letras

2009-04-29T00:58:00.014+02:00

O 17 de maio celebramos o día das Letras Galegas que este ano está adicado a Ramón Piñeiro. Desde aquí animámosvos a que vexades este vídeo que atopamos na rede para que o vaiades coñecendo. Grazas, aos seus autores por este estupendo traballo.

Despois invitámosvos a que fagades a webquest do CEIP A vós tamén vos dicimos, grazas pola vosa xenerosidade.

Escoitade e vede tamén estoutro do CEIP Rosalía de Castro de Xinzo de Limia. Que traballo tan ben feito! Noraboa rapaces e rapazas! É estupendo!

Despois desta introdución, ao longo da semana do 11 ao 15 de maio desenvolveremos unha serie de actividades das que iremos dando conta aquí e na web do centro.

Consuelo Jiménez Cisneros

2009-04-28T00:15:00.009+02:00

Hoxe, o alumnado de 3º ciclo de Educación Primaria recibiu no salón de actos á escritora Consuelo Jiménez Cisneros.
Na hora de lectura do último mes leron de forma compartida "Aínda quedan piratas na costa da Morte", unha novela de aventuras que homenaxea a outra grande da literatura xuvenil universal "A illa do tesouro".
A historia ocorre na costa da Morte onde a autora pasou un verán e quedou maravillada desta terra. Heitor, o protagonista, é un neno madrileño un pouco vago que, grazas á súa curmá Carolina, a súa vida vai dar un xiro moi importante ademais de vivir unha apaixoante historia de piratas con final feliz.
Se non o lestes, animádevos! Está na biblioteca. Se vos gustan os libros de aventuras, non vos decepcionará!

23 de abril, Día Mundial do Libro

2009-04-23T01:19:00.012+02:00

O día 23 de abril faleceron tres escritores universais, Miguel de Cervantes Saavedra, William Shakespeare e Garcilaso de la Vega. Por este motivo a UNESCO escolleu este día en 1995 para rendir homenaxe ao libro e aos seus autores e autoras, e, fomentar a lectura entre todos e todas, especialmentes entre os máis xoves.

Para conmemoralo programamos varias actividades, das cales celebraremos algunhas mañá e outras na semana cultural:

Lectura da adaptación de El ingenioso Hidalgo Don Quijote de la Mancha.
Pase da película animada Don Quijote.
Maratón de lecturas familias-alumnado-profesorado.
Lectura de Aínda quedan piratas na costa da morte e encontro coa autora Consuelo Ximénez Cisneros.
Realización da webquest do CEIP San Walabonso, Niebla (Huelva)

2 de abril, Día Internacional do Libro Infantil

2009-03-27T01:11:00.014+01:00

O 2 de abril, e desde 1965 a proposta do IBBY, celébrase o Día Internacional do Libro Infantil para homenaxear e conmemorar o día do nacemento de Hans Christian Andersen. Con tal motivo o escritor e ilustrador exipcio HANI EL-MASRI deseñou o cartel e redactou a mensaxe titulada "Eu son o mundo" (tradución ao galego de Manuel Figueiras) dirixida a tod@s @s nen@as do mundo.

Para conmemorar este evento realizaranse varias actividades:

1.- A biblioteca escolar dispuxo un recuncho coa exposición dos fondos das obras de Andersen e os traballos que realice o alumnado sobre o tema.

2.- Enviou ás aulas información sobre este día e unha proposta de actividades

Explicar aos nenos e nenas o significado do día e algo da biobibliografía de H. C. Andersen.
Ler algún conto do autor. Dado que estamos co cine, pódese elixir un conto que teña película e pasala despois da lectura.
Realizar actividades de plástica sobre os contos lidos (debuxar personaxes…) e explicar o conto en verso ou en prosa…
Actividades do plan anual de lectura.

3.- En colaboración con GÁLIX (Asociación Galega do Libro Infantil e Xuvenil), ao longo do xoves 2 e venres 3, desenvolveranse varias actividades de fomento da lectura:

Xoves 2: Taller de ilustración do alumnado de 3º de Educación Primaria con RODRIGO CHAO, ilustrador galego que ilustrou, entre outros, o libro de X. A. Neira Cruz, premio White Raven 2009 O prodixio dos zapatos de cristal .
View Album
Get your own
Venres 3: Taller de escritura do alumnado de 6º de Educación Primaria coa escritora MAR GUERRA gañadora do premio Merlín 2009 coa novela Xenaro e o misterio da mochila verde.

Bolboretas de papel

2009-03-27T00:37:00.010+01:00

Onte presentouse en Santiago o libro de poesía Bolboretas de papel de Antonio García Teijeiro. Tiven a ocasión de poder saudar e falar persoalmente con Antonio e foi un acto moi agradable. Ao final dedicouvos o libro a todos e a todas vós e xa está na biblioteca disposto para que o leades. Antonio dixo que nel engadira un novo ingrediente respecto aos anteriores, a ver quen se decata! Ánimo! Lese nun plis plas. Disfrutádeo!

Premios White Raven 2009

2009-03-26T20:38:00.011+01:00

Despois do premio nacional de literatura infantil e xuvenil de Agustín Fernández Paz por O que queda é o amor e de que, hai dúas semanas, a Bienal de Bratislava seleccionara a obra de seis ilustradores galegos: Pinto&Chinto, Rodrigo Chao, Federico Fernández, Leandro Lamas e Enjamio o mundo da literatura infantil e xuvenil galega está novamente de noraboa porque tres libros de autores galegos foron seleccionados pola súa especial calidade para os premios White Raven 2009.

A Biblioteca Xuvenil Internacional de Munic (Alemania), centro de referencia á hora de valorar os libros de literatura infantil e xuvenil no mundo, destaca 250 títulos publicados no 2008 en 32 linguas e pertencentes a 48 países. Entre estes, tres son galegos: A cabeza de Medusa de Marilar Aleixandre de literatura xuvenil, O prodixio dos zapatos de cristal, de Xosé Antón Neira Cruz e ilustracións de Rodrigo Chao, e Fume, de Antón Fortes e ilustracións de Joanna Concejo.

Tamén aparece na lista outro libro dun autor moi querido polos nosos lectores, Alfredo Gómez Cerdá, Barro de Medellín, ilustrado por outro galego, Xan López Domínguez.

Felicidades a todos e a todas as premiadas e nós, a próxima semana, teremos na biblioteca O prodixio dos zapatos de cristal e Fume para que todos e todas os disfrutedes. Non deixedes de facelo. Haberá tamén outras novidades.

O prodixio dos zapatos de cristal é a adaptación do conto clásico A Cincenta musicado. Contén un CD coa narración de Teresa Santamaría e a música da Real Filharmónica de Galicia que interpreta a Cenerentola de Rossini.

En Fume unha voz infantil conta unha historia sobrecolledora que se completa cunhas expresivas ilustracións sen color de Joanna Concejo

Cine na escola

2009-02-18T04:24:00.010+01:00

O Proxecto Documental Integrado que desenvolvemos no centro este curso ten como tema o cine. O primeiro trimestre do curso adicámolo a seleccionar os recursos cos que imos traballar e diseñar as actividades. No segundo trimestre, desenvolvemos as actividades programadas nas aulas, na biblioteca, saídas, etc. como:

Exposición de materiais adquiridos e fondos que xa había na biblioteca.
Actividades de fomento da lectura, busca e tratamwento de información e visionado de películas.
"Entroido de cine"

E seguimos...

Subiremos fotos proximamente

Entroido 2009

2009-02-07T12:06:00.025+01:00

O entroido é unha das festas tradicionais que se vén celebrando no colexio desde sempre. Nos últimos cinco anos é unha actividade dentro do Proxecto Documental Integrado que se desenvolve ao longo de todo o curso; e, como o Proxecto deste ano é "Cine na escola", o entroido foi de cine.

O primeiro foi seleccionar os materiais informativos axeitados e facer unha exposición.

Segundo, para ir entrenando, O MECO ordenou un mandado cada día da semana previa.

Finalmente, a partir das lecturas feitas e das películas visionadas, cada grupo de alumnado deseñou o seu disfraz, e na clase de Música adaptáronlle unha coreografía:

Educación Infantil: "Os Picapedra"
Primeiro ciclo de Educación Primaria: "Drácula".
Segundo ciclo de Educación Primaria: "Piratas".
Quinto de Educación Primaria: "Dálmatas"
Sexto de Educación Primaria: "Charlot"

Ver galería completa e cartaz na páxina web

Quinto e sexto tamén realizou a webquest do CEIP Mestre Goldar. Grazas polo voso traballo. É estupendo!

Este é o noso plan de lectura (curso 2008/2009)

2009-02-07T11:55:00.001+01:00

Get your own - Open publication

O fantasma de Canterville

2009-02-04T00:17:00.010+01:00

Na última semana, o alumnado de 5º e 6º de Educación Primaria leu "O fantasma de Canterville" de Óscar Wilde na Hora de ler.
O libro trata de que a familia Otis vai vivir ao castelo de Canterville, onde habita un fantasma desde fai 300 anos. Éste intenta asustalos, pero os Otis... desconcértano, sobre todo, os xemelgos. Pobre fantasma!
Hoxe vimos a representación desta obra no teatro de "A Salle" o que nos permitiu disfrutar, comparar e analizar as dúas versións: o libro e o teatro. Gustáronnos moito as dúas. Se aínda non o liches, anímate! Seguro que che gustará! E se podes ir ao teatro, non o perdas. Tamén hai a película.

DÍA DA PAZ

2009-01-28T23:09:00.014+01:00

O venres, 30 de xaneiro, celebramos o "Día Escolar da Non-Violencia e a Paz". Nos últimos quince días:
-Elaboráronse dous murais co lema "A Paz é amizade entre os pobos".
-Fíxose unha exposición de fondos bibliográficos e audiovisuais.
-Dentro do proxecto de cine, cada nivel visionou unha película, que xunto cos fondos bibliográficos utilizouse de base para traballar o tema.
-Nas aulas e na clase de música prepararon varias cancións.
-Moitos alumnos e alumnas seleccionaron e escribiron poemas.
-O alumnado de 5º e 6º realizou as actividades da webquest da biblioteca de Libruxa. Grazas pola vosa xenerosidade.
-Finalmente, o alumnado destes cursos, con toda a información recollida, elaborou un dossier sobre a Paz.
-Por último, o día 30 sairemos todos e todas ao patio a cantar as cancións e faremos unha colecta para a casa de acollida de nenos e nenas "Francisco Palau" de Perú.

JOÁN MANUEL GISBERT

2009-01-14T22:59:00.002+01:00

O martes 13 estivo no noso colexio, cos máis de cen alumnos e alumnas de terceiro ciclo de Educación Primaria, o recoñecido e moi premiado escritor catalán Joán Manuel GISBERT. Ao longo do mes de decembro e nos primeiros días de xaneiro, o alumnado desenvolveu as seguintes actividades para coñecer o escritor e a súa obra:
1.- Buscou na biblioteca todas as obras do autor e os que tiñan algunha na súa casa, trouxérona.
2.- Os de 6º, compraron "Magos del atardecer" e lérona de forma compartida na "Hora de ler"; e os de 5º fixeron o mesmo con "El Palacio de los Tres Ojos". Algúns compraron máis libros.
3.- As obras da biblioteca e as aportadas por eles foron rotando e segundo se ían lendo comentábanse na clase.
4.- Buiscaron información sobre o autor, a obra e a ilustradora das obras lidas de forma compartida.
5.- Fixeron un dossier coa información obtida e tres murais que decoraron o salón de actos durante a visita do escritor.

Antes da visita

A visita convertiuse nun taller de imaxinación nos que GISBERT é todo un experto. Ao longo dos noventa minutos que durou, aínda que non no lo parecía a ninguén, o escritor, coa participación dos nenos e nenas, foi desgranando historia tras historia como se se tratase dun libro aberto.

Despois da visita
Esto é o último deste marabilloso día